Month: July 2020

國安法上個禮拜偷偷摸摸咁實施咗。條文既模糊又超辣，應該會有一段時間壓停示威，不過長遠損害已經造成，警暴只會更加有恃無恐，天秤一邊倒嘅結果喺一半人口可能最終用腳投票，即使唔係整個人離開，應該資產就會走一半。 中長期嚟講，直到大陸有民主體制，香港情況只會繼續沉淪，不管認同唔認同過去一年嘅示威，香港嘅成功喺建基於各方面嘅平衡，大家少談政治，只求成事，喺法治社會呢個唔係大問題，大家基本上守法，起碼表面上公平。但係過去一年政府完全靠攏北京，變成傀儡政府，而且引進各種黑暗手段，法制上明顯偏頗，斬人嘅喺『高尚情操』，警察子女藏有冰毒唔使查，還有各種墮樓、浮屍、屍體發現『無可疑』。梁振英當特首之前喺冇人會諗過港獨，而家礙於國安法，亦都冇人會敢公開支持，但民心所向已經好明顯，假如中國喺英國，香港喺蘇格蘭，唔同嘅平衡時空結果點樣大家心照。 要準確預測香港未來，大概應該考慮三方面，『香港人』嘅去留、大陸未來一年去向、外國未來對北京嘅制裁會否持續。 先講香港人，藍黃之分大概比較片面，不過經過上年嘅示威，唔理好唔好，幾乎所有人都應該更認清自己嘅立場。藍絲大分有兩種，韭菜同既得利益，韭菜喺基本上對世界認識比較少、一般比較年長、學歷較低、對『祖國』有憧憬但喺唔了解，容易受權威控制，相信『有國先至有家』。而既得利益則對實際情況其實理解，但係權衡自己利益同公眾利益，既然即使有人pk，大概都唔會輪到佢哋自己，正喺趙博喜歡講嘅他者pk主義嘅表表者，比較上位嘅既得利益者則實質上係統治者嘅打手，雖然有時候會講講人話，但係到時到候就要埋堆，無論幾卑劣幾賤格嘅嘢都要做，而且喺當面做，因為佢哋嘅無恥正可以襯托一尊嘅寬宏大量，而且做得越無恥越突顯佢哋嘅忠誠，而且滿手嘅鮮血亦都可以變成佢哋嘅投名狀，讓當權者放心佢哋唔可以隨便變面。 至於黃絲，大分主要喺勇武同和理非，勇武主要集中喺較年青嘅一群，嚟唔切喺70－90年代經濟起飛時候得益，如果完全冇父蔭，連基本生活都可能喺問題，佢哋最初嘅不滿可能只不過喺對經濟嘅不滿，主要喺房屋嘅問題，但係隨著上一年政府完全放棄年青人，佢哋亦都完全放棄對政府嘅期望，佢哋喺最主張攬炒嘅一群，希望可以浴火重生。至於和理非則是最傳統嘅中產，佢哋一般有一定學識，大部份喺專業人士，知道世界運作，對近年香港嘅發展深感憂慮，可以話，如果唔係『既得利益』，大部分中產專業人仕都喺呢一群。 再一種就係所謂中立，一般喺覺得有錢搵就ok，當中好多會覺得香港之不過喺搵錢嘅地方，你哋藍又好、黃又好，總之唔阻住我搵錢就ok。呢班人視乎時勢，可以喺淺藍或者淺黃，對世界了解一般比較狹窄片面，經濟方面range可以好大，可以喺大公司老闆、亦都可以喺社會基層，後者嘅話可能同韭菜藍絲好相似，不過少咗啲『愛國』情懷。中立好聽喺中立，當然實際上喺騎牆派，邊一邊『贏』就會向個邊靠攏，另外如果實在自身利益受損嘅時候，亦都有可能變節，喺民主社會，中間派喺受各方拉攏嘅寵兒，不過喺威權社會，佢哋嘅聲音唔會真正受到重視。威權社會最重要喺確保當權者嘅權力，所以忠誠度遠比其他所有個人特質都吃香，所以『中立』派最後也只會適合做韭菜。事實上，因為文化差異，北京永遠唔會信任土生土長嘅香港人，最終本土香港人都只會喺韭菜。而威權政府下實際上只有三種人，統治者、打手／收割人、奴隸／韭菜。打手喺失去信任之後亦都會變成韭菜，而因為香港人嘅原罪（喺80、90年代為改革開放嘅貢獻、威權政府之下，聖人絕對喺一種罪，就好似耶穌喺羅馬統治者眼中之下，而對統治階層有恩更是罪無可恕），所以原有嘅香港人無論如何到最後都係韭菜。 『樂觀』一點嚟睇，喺北京會通過換血同埋持續滲透嚟將香港大陸化，當大陸化完全完成，社會會變得相對『穩定』，不過要得到當權者安心，本地打手要比當權者更紅更專，割菜一定要見血，呢個喺點解689同777一定要去得比佢哋嘅主人去得仲盡，佢哋如果做狗嘅唔去夠盡唔會顯得今上皇恩浩蕩，俾後者有機會喺適當時候出手叫停派糖，好讓中立、藍絲同淺黃容易感染上斯德哥爾摩症候群。 到幾時北京會比較安心呢？以廣東作為例子，應該到粵語文化差不多全部消失為止，呢個大概會花上一代人十幾年左右嘅時間。所以大陸只要閉關鎖國鎖埋香港十幾年，就可以完成西朝鮮化，至於北京到底有冇呢個時間，就會喺未來長遠局勢點發展嘅重點，呢個以後有機會再講。 香港人才流失速度會加快，但係呢個始終比較中長期，資金會比人才流失快好多，不過要走嘅應該未來半年大致完成，然後情況會變得穩定，只要北京唔突然切斷香港對外資金通道，而除非真係到完全冇晒錢嘅地步，相信北京仲係想慢慢搞唔會做到呢一步。好多人相信港爆先至會到支爆，我認同呢一點，不過另一方面到港爆應該非常近end game，由港爆到支爆應該不出半年，甚至只要幾個星期。畢竟現今信息流動超快，除非北京決心將香港提早引爆，不過以維尼嘅優柔寡斷，呢個可能性好細，應該會由得香港繼續行屍走肉，表面風光。總結香港人引來嘅影響，當然資金人才流失有中長遠負面影響，不過短期（半年）應該影響唔係最大嘅。 至於大陸方面，之前好多人會期望政變推翻一尊，不過期望都全部落空，雖然有好多反對聲音，明顯維尼仍然喺緊緊掌握政權，而且中共其他反習嘅內部高層似乎已經放棄，覺得你鍾意點玩就點玩，反正我理都理唔到。睇今次水災就大概可以明白，差不多喺冇政府狀態，而家似乎喺等大陸人自己頂唔順為止，大概起碼仲可以拖佢幾年，甚至幾十年，如果喺後者，咁香港真係完全玩完。種種跡象睇起上嚟，水災、蝗蟲、加上庫存造假，未來一年可能會過億人缺糧，不過以中國人嘅奴性，應該唔足夠動搖中共嘅政權。 雖然特朗普個人非常飄忽，但係基本上行為喺有跡可尋，基本上佢好看重個人名聲，要面子方面唔會輸比維尼。佢喺典型好大喜功嘅領袖、呢方面亦都跟維尼好似，但當然佢本身喺生意人，所以好在意小得失，相對維尼喺典型美國嘅jock，對學問其實冇乜興趣，不過會覺得自己好掂，我覺得于非對佢嘅性格解釋最精準，基本上維尼喺冇乜邏輯，智力比較低下，如果用IQ test評定，應該喺偏下低於100，但係charisma好高。中共基本上喺黑幫，黑幫選拔領袖唔喺基於能力，而係基於群帶、charisma同恐怖手段。維尼上位前非常努力同埋成功地營造豬嘅形象，上位後大家先至發覺中伏，利用之前大家對黑箱作業嘅不滿，大規模以打貪嚟消滅異己。諷刺地，好可能到現在佢仍然覺得自己喺冇私心，佢所造嘅一齊喺為咗黨嘅領導，而有黨嘅領導最終先至可以達到『人類命運共同體』，而我覺得佢應該相信除咗佢自己，已經冇人有能力帶領中共，所以佢所做嘅實在唔係為咗佢自己。當然細思極恐之下會發覺佢似乎精神有問題，當然唔止佢，如果細心分析特朗普，應該後者精神亦都有問題。不過起碼喺民主體制，特朗普嘅權力受到一定制衡，而維尼嘅情況，中國只可以冇底線墮落。 外部影響嚟講，大圍堵格局已經成型。而且啱啱白宮正式簽署取消香港特殊待遇，似乎到大選之前，美國會一路硬落去，雖然會去到幾盡唔太清楚，熱戰即使喺南海嘅可能性仍然比較細，就好似伊朗嘅情況，即使嘴炮咁耐，亦都唔會真打，更何況喺中共，美其名都喺世界第二大國，但係封鎖嘅可能性好大，不過即使喺美國，要完全封鎖中共應該都相當困難，雖然中共已經積弱好幾年，似乎而家正用各種手法割韭菜，包括對海外中國人收稅，另外長江流域隨時出現過億水災難民，再加上之後嘅蝗災。當然以上各種都會引起人民不滿，不過重申中國人嘅奴性絕對喺不可思議，即使咁樣好可能都係一堆老中小粉紅主導社會言論，特別可以強調美帝正帶領列強圍堵，用類似言論嚟繼續激起民族主義。 東拉西扯咗一大堆，等我嚟試下總結歸納一下未來半年一些key events嘅可能性。由最dramatic嘅情況開始 一、北京發生政變成功推翻維尼。呢個可能性短期好細，就之前講過，基本上似乎中國內部除咗有精神病嘅真心膠冇人想真喺接手呢個爛攤子，而且維尼不斷加設『東廠西廠』，亦都加大短期政變嘅困難度。 二、南海甚至台海發生熱戰。可能性喺有但係應該唔高，即使特朗普選情到十月都不利，應該唔容易搵借口發生熱戰，除非真係好似荷里活片好陰謀論咁諗，喺伊拉克戰爭都係好勉強吹個『weapon of mass destruction』，大陸嘅情況雖然美國人印象變差咗好多，但係大陸滲透能力超強，到而家仲有唔知大陸特工定係真心膠喺美國同大陸講好説話（好似Ray Dalio)，所以Trump可以做大概只不過繼續喺南海轉，期望大陸超笨搞到擦槍走火，不過即使維尼喺智障，下面嘅軍隊應該唔會敢貿然出手，大概會hea住做唔會咁易中伏。 三、南方水災繼續失控，之後瘟疫發生。呢個可能性好大，不過大陸冇嘢多主要多韭菜，只要封鎖言論，死一兩億人都唔喺問題，問題如果牽連到一線城市，好似上海，要蓋住會有啲困難，而且一線城市覆亡會直接影響中共管治，雖然武漢疫情時候相當嚴重，但應該最多就死咗5%人口，如果之後發生更嚴重瘟疫（死亡超過20%），應該會嚴重影響統治。 四、蝗災加水災、全世界缺糧，大陸出現饑荒。呢個可能性亦都唔細，不過冇實質數據，好難知道實際嚴重性，猜測應該唔會餓死人，但喺會引起普遍不滿，跟上面嘅瘟疫一樣，應該中長期影響較大，半年內應該唔足夠危及中共統治。 五、武漢肺炎繼續喺美國不受控。呢個非常可能，不過到十一月情況大概會轉好，現在的情況看來是最後大部份人感染而產生herd immunity，呢個絕對唔理想，最後應該會有超過200萬美國人死於武漢肺炎，呢個絕對喺特朗普嘅負資產，問題喺美國人好善忘，只要到十月疫情如果減退，特朗普可能用中國問題轉移視線，成功與否應該五五波。 六、武漢肺炎喺香港失控。最重要影響喺有可能用呢個嚟推遲立法局選舉，而家情況嚟講相當有可能。 七、香港選舉推遲或取消。如果冇其他事件同時發生，應該勇武唔會有大反應，香港方面應該會繼續表面平靜。 八、政府以各種理由打擊泛民參選。呢個迴響應該好大，發生可能性不大，因為政府可以用上面手段。 九、泛民成功35+。可能性不大，政府應該會推遲選舉。 十、特朗普連任失敗。可能性大於一半，尤其如果到十一月美國疫情都無法受控，拜登對大陸放軟機會頗大，香港勇武可能失控，墮入共產黨陷阱，正式被視為恐怖組織，香港會繼續慢慢溫水煮蛙，會魚蛋革命翻版，未來幾年大陸繼續主導言論。 根據以上嘅key events發生嘅可能性，再簡單簡短總結一下幾個main points。半年內，到年底 一、北京或者維尼倒台，香港自治或者離開北京管轄。非常不可能 二、北京讓步，撤銷國安法，情況退到七一之前。非常不可能，呢個需要內部壓力，國安法喺北京底線，卻非改朝換代，可能性不大。 三、香港嚴重動盪，甚至有恐怖襲警事件，北京出解放軍鎮壓。有可能，尤其如果香港選舉取消、特朗普敗選拜登放軟對華壓力，不排除勇武忍唔住，甚至中共自導自演嫁禍泛民。不過如果社會相對平靜，中共自導自演發生可能性會減少。 四、資金人才繼續加速撤出，雖然國家隊大量進入，聯繫匯率不守，港元大幅貶值。可能性不大，特朗普出手比較慢，到年底應該唔會發生。 五、資金人才繼續慢慢撤出，香港繼續衰落，但國家隊大量進入，表面衰退不明顯。可能性最大。 當然上面嘅可能性喺根據之後局勢變化而改變，比如trump如果放慢抵制官員，將會提高局勢穩定嘅可能性。